Ինչ է հայտնի Բրազիլիայում 68 մարդու կյանք խլած ավիավթարի մասին
Օգոստոս 09,2024 23:15
Բրազիլիայի հարավ-արևելքում գտնվող Սան Պաուլու նահանգի Վինյեդո մունիցիպալիտետում օգոստոսի 9-ին ինքնաթիռ է կործանվել։ Ինքնաթիռում եղել է 68 մարդ, բոլորը զոհվել են։
ATR 72 մոդելի օդանավը ներքին թռիչք էր կատարում Կասկավելայից Գուարուլյուս:
Տեղում աշխատում են փրկարարներն ու հրշեջները: Վթարի վայրից տեղի լրատվամիջոցների հրապարակած կադրերը ցույց են տալիս, որ ինքնաթիռն ընկել է բնակելի տան մոտակայքում։
Բրազիլիայի նախագահ Լուիս Ինասիո Լուլա դա Սիլվան, իմանալով ավիավթարի մասին, Canal Gov հեռուստաալիքի ուղիղ եթերում մեկ րոպե լռություն է հայտարարել՝ ի հիշատակ զոհերի։
