Շիրակի երկրագիտական թանգարանը գզրոցի է վերածվել
Օգոստոս 23,2024 11:04
Շիրակի երկրագիտական թանգարանի եզակի նմուշները պահվում են վթարային շենքի ֆոնդային պահոցներում՝ հասարակության աչքից հեռու: Զբոսաշրջիկների հոսք կանխատեսող թանգարանը վերջերս զրկվեց Ջիվանու 74 հասցեում գտնվող շենքից: Թանգարանն այստեղ չէր էլ տեղափոխվել՝ նորոգման համար անհրաժեշտ գումարների բացակայության պատճառով:
Փոխարենը անհատույց վարձակալությամբ 50 տարի ժամկետով կառույցը կփոխանցվի Լոզանի հյուրընկալության դպրոցին, որը մոտ 3,5 միլիարդ դրամի ներդրում կանի, 1000 ուսանողի ուսուցում ու զբոսաշրջային հոսք կապահովի:
Շիրակի երկրագիտական թանգարանին շենքային համապատասխան պայմաններ կամ գործունեության ընդարձակ տարածք տրամադրելու հարցը քննարկումներից այն կողմ չի անցնում:
