Ադրբեջանը ձեռք է բերել բազմաֆունկցիոնալ JF-17C կործանիչ
Սեպտեմբեր 25,2024 18:19
Ադրբեջանը ձեռք է բերել բազմաֆունկցիոնալ JF-17C կործանիչ։ Այս մասին հայտնում են ադրբեջանական լրատվամիջոցներն ու պաշտոնական աղբյուրները։
Ըստ ադրբեջանական լրատվամիջոցների՝ Հեյդար Ալիևի անվան միջազգային օդանավակայանում Ադրբեջանի նախագահ Իլհամ Ալիևին է ներկայացվել բազմաֆունկցիոնալ JF-17C ինքնաթիռը, կործանիչներն արդեն համալրեն են Ադրբեջանի զինանոցը:
Լրատվամիջոցները հաղորդում են, որ այս թեթև կործանիչը նախատեսված է ե՛ւ ցերեկային, ե՛ւ գիշերային գործողությունների համար, ընդ որում՝ եղանակային բոլոր պայմաններում։
Օրերս Ադրբեջանի վարչապետ Ալի Ասադովը ներկայացնելով հաջորդ տարվա պետբյուջեի նախագիծը, հայտարարել է՝ առաջիկա տարիներին Ադրբեջանի պետբյուջեի ամենամեծ ծախսերն ուղղվելու են ռազմական ոլորտին։
