Շիրակի մարզը ժամանակակից թվային մամոգրաֆի կարիք ունի
Ախուրյանի Մոր և մանկան առողջության կենտրոնի ստեղծումը Հայ Օգնության Միության կողմից Հայաստանում իրականացված կարևոր նախաձեռնություններից է: Կենտրոնը, որը հիմնվել է 1997 թ.-ին, տարբեր բժշկական ծառայություններ է մատուցում՝ մայրության խնամք, հղիության բնականոն ընթացքի ապահովում, հետծննդաբերական շրջանի բարդությունների կանխում և այլն:
Այստեղ շուրջ 23 տարի գործում է նաև մամոգրաֆիայի ծառայությունը, որը հնարավորություն է տվել Շիրակի և այլ մարզերի հարյուրավոր բուժառուների մոտ հայտնաբերել կրծքագեղձի քաղցկեղը մինչկլինիկական՝ վաղ փուլում:
Այսօր նոր տեխնոլոգիաները շատ արագ են փոխվում, և զարգացած երկրներում ժամանակակից սարքերն ու մեթոդները հրաշալի արդյունքներ են ապահովում։ Հայաստանում համեմատաբար ցածր է քաղցկեղն առաջին փուլում հայտնաբերելու արդյունավետությունը, և ցուցանիշները բարելավելու համար Ախուրյանի Մոր և մանկան առողջության կենտրոնի մասնագետները մեծ ջանքեր են գործադրում։ Նրանց համար մեծ օժանդակություն կլինի ժամանակակից թվային մամոգրաֆը, որի կարիքն ունի կենտրոնը:
Մանրամասները՝ հատուկ տեսանյութում:
