Գորիսը 154 տարեկան է. միջոցառումների շարքը շարունակվում է
Հոկտեմբեր 30,2024 21:18
Գորիս քաղաքը տոնական տրամադրությամբ հյուրընկալել է հազարավոր այցելուների։ Առիթը քաղաքի տոնն է, որն էլ նշանավորվում է ոչ միայն Թումանյան փողոցի և Գորիս գյուղ տանող ճանապարհների հիմնանորոգումից հետո բացման արարողությամբ, այլ նաև Ֆրանսիայից ժամանած հյուրերի հետ բարեկամության խորհրդանիշ հանդիսացող Վիենի պուրակի հանդիսավոր բացմամբ։
«Գորիսյան օրեր» միջոցառումների շարքը շարունակվում է Հին Գորիսի քարանձավային հատվածում`շքեղ համերգային ծրագրով:
Սոնա Ռուբենյանը, Գարիկը, Արփին, Գայա Արզումանյանն ու Շուշան Պետրոսյանը ժայռերի մեջ հնչեցնում են Հայրենիքին, Արցախին ու սիրուն նվիրված իրենց երգերը։ Երեկոն կամփոփի DJ Գրիգը:
