Hello? It’s Mkhitaryan․ Ինտերը Մխիթարյանին նվիրված տեսանյութ է հրապարակել
Հունվար 17,2026 14:31
Միլանի «Ինտերը» Facebook-ի իր պաշտոնական էջում գրառում է կատարել՝ նվիրված թիմի հայ կիսապաշտպան Հենրիխ Մխիթարյանին։
Ակումբի մամուլի ծառայությունը հրապարակել է Ա Սերիայի 18-րդ տուրի՝ «Պարմայի» դեմ արտագնա հանդիպումից մի դրվագ, որում «ներաձուրիները» հաղթանակ են տարել 2։0 հաշվով։
«Ողջույն, Մխիթարյանն է» (Hello? It’s Mkhitaryan), — գրված է տեսանյութին կից գրառման մեջ։
Հոլովակում, որտեղ երևում են Մխիթարյանի պաշտպանական փայլուն հմտությունները, ակումբը հավելել է նաև «Մխիթարյանը պատասխանում է» (Mkhitaryan answers) գրությունը՝ ակնարկելով հայ ֆուտբոլիստի խաղադաշտում ունեցած վճռորոշ դերը։
Ընթացիկ մրցաշրջանում 36-ամյա Հենրիխը միլանյան գրանդի կազմում մասնակցել է 18 հանդիպման՝ դառնալով 2 գոլային փոխանցման հեղինակ։
