Ճիշտ դիվանագիտությամբ կստեղծվեն նպաստավոր պայմաններ, որոնք մեզ կտանեն Արցախ. Դ. Գալստյան
«Հայաստանի իշխանությունը որքան փորձի փակել Արցախի հարցը, այնքան ավելի շատ խմբեր ու մարդիկ են այդ հարցն առաջ մղելու»,- կարծիք է հայտնում Արցախի խորհրդարանի «Արդարություն» խմբակցության ղեկավար Դավիթ Գալստյանը:
Ճիշտ դիվանագիտությունն, ըստ Արցախի խորհրդարանի պատգամավորի, կարող է ապահովել արցախահության վերադարձը հայրենիք: Դավիթ Գալստյանը փակագծեր չի բացում, բայց վստահեցնում է՝ հարցն իրենց համար փակված չէ, պայքարը շարունակելու են;
«Ճիշտ դիվանագիտության արդյունքում կստեղծվեն այն նպաստավոր պայմանները, որոնք մեզ կտանեն Արցախ»,- նշում է նա:
Պատգամավորը հիշեցնում է՝ տարիներ շարունակ Բաքուն հարցն օրակարգում էր պահում, նույնիսկ այն ժամանակ, երբ առհասարակ շանսեր չուներ Արցախում Ադրբեջանի դրոշ բարձրացնելու:
Ինչ վերաբերում է բռնի տեղահանվածներին տրվող աջակցությանը, Գալստյանն ասում է՝ չկա ընտանիքների կարիքների գնահատման մեխանիզմ՝ որ ընտանիքն ինչի կարիք ունի, աջակցությունը տրամադրվում է անհատապես, մինչդեռ հասցեական ու նպատակային աջակցություն էր պետք տեղահանված մարդկանց:
«Այդ նույն գումարը կարելի էր այնպես վերաբաշխել, որ այն մարդիկ, որոնք ավելի շատ կարիք ունեն, ավելի մեծ գումար ստանային, որոշ հնարավորություններ ունեցողներն ավելի քիչ ստանային. դա կլիներ արդար»:
Նորություններ
