Երկրաշարժից 36 տարի անց հազարավոր մարդիկ դեռ տնակներում են. արդյունավետ ծրագրեր չկան
Ապրիլ 08,2024 20:07
Զբոսաշրջային Գյումրին զարգացման նոր ուղղություն է վերցրել, որը հեռանկարներ է խոստանում, այդուհանդերձ, քաղաքում դեռ առկախված է մնում հարյուրավոր ընտանիքների բնակարանային խնդիրը: Սեյսմավտանգ գոտում գտնվող Գյումրիում ամեն ուժգին երկրաշարժից հետո պատմությունը կրկնվում է:
Անօթևան դարձած հարյուրավոր ընտանիքների բնակապահովման հարցի լուծումը տասնյակ տարիներ է տևում: Հիմա էլ քաղաքը փայտաշեն տնակներից ազատելու խնդիրն է առկա: Երկրաշարժից 36 տարի է անցել, բայց դեռ տնակաբնակ ընտանիքների բնակարանային խնդրի լուծման արդյունավետ ծրագրեր չկան:
