«Արծվաշենի հարցը պիտի համայն հայության հարցը լինի»
Մայիս 10,2024 11:00
Արարատ Մովսիսյանը 11 տարեկան է եղել, երբ 1992թ.-ին ստիպված հեռացել է հարազատ Արծվաշենից՝ վերաբնակվելով Գեղարքունիքի մարզի Դրախտիկ համայնքում: Մինչ օրս հիշում է իր ծննդավայրը՝ շեն տներով, Արծվաշենի վանքով, հարուստ բնաշխարհով՝ վճիտ աղբյուրներով, ջրվեժով ու լճակով:
Ճամբարակի շրջանում գտնվող գյուղը 1992 թ.-ի օգոստոսի 8-ին գրավվել է Ադրբեջանի կողմից: Դրանից մի քանի օր առաջ բնակիչները տեղահանվել են։ Նրանց հիմնական մասը բնակություն է հաստատել Գեղարքունիքի մարզում:
