Հազարավոր հիշողություններ՝ մեկ ճամպրուկում
Նոյեմբեր 18,2023 21:00
Լեռնային Ղարաբաղը հայաթափվեց մի քանի օրում: Տասնամյակներ շարունակ բանակցային գործընթացներում ամրագրվեց ուժի կիրառման անթույլատրելիությունը, ժողովրդի ինքնորոշման իրավունքը, բայց հարցը «լուծվեց» ուժով, եւ մարդկանց ինքնորոշման փոխարեն մեկ ճանապարհ ցույց տրվեց՝ հեռանալ պատմական հայրենիքից: Երբ ՄԱԿ-ի առաքելությունը ուշացած մուտք գործեց Լեռնային Ղարաբաղ, դիվանագետներն իրենց զարմանքը հայտնեցին, ասացին՝ «ցնցված են», այդ ինչպե՞ս ստացվեց, որ տասնյակ հազարավոր մարդիկ «հանկարծակի» լքեցին իրենց տունը:
