Խնապատից տեղահանված Նորայրի 5-րդ զավակը ծնվեց Գյումրիում. կարիքներ շատ ունեն, բայց չեն դժգոհում
Օգոստոս 05,2024 20:31
Նորայր Գրիգորյանի ընտանիքը տեղահանության է ենթարկվել 2 անգամ: REGIONSTV-ի հետ զրույցում նա պատմեց Ասկերանի շրջանի Խնապատ գյուղից տեղահանման սարսափելի օրերի մասին, երբ չգիտեր ինչպես կրակոցների տակից հանել կնոջը, երեխաներին և անկողնային հիվանդ մորը:
Նորայրը ծառայում էր Պաշտպանության բանակում, մասնակցել է 44-օրյա պատերազմին: Առողջական խնդիրների պատճառով արդեն զորացրվել էր, երբ 2023թ.-ին, երկարատև շրջափակումից հետո, Ադրբեջանը հարձակվեց տարբեր ուղղություններով: Հիվանդության հստակ ախտորոշումը տրվել է ավելի ուշ՝ Երևանում հետազոտվելուց հետո միայն:
