Զայրույթի խորհրդանշական դրսևորում․ Հյուսիսային Կորեան պայթեցրել է Հարավային Կորեային կապող ճանպարհների և երկաթգծի հատվածները
Լուսանկարը՝ AP-ի
Հյուսիսային Կորեան այսօր առավոտյան պայթեցրել է Հարավային Կորեային կապող ճանպարհների և երկաթգծի հատվածները։
«Հյուսիսային Կորեան պայթեցրել է Քենգի եւ Դոնհե ճանապարհների հատվածները ռազմական սահմանազատիչ գծի մոտ»,- նշում է Հարավային Կորեայի զինված ուժերի շտաբների պետերի միավորված կոմիտեն։
Apnews-ը գրում է՝ Հյուսիսային Կորեայի՝ չօգտագործված ճանապարհների հյուսիսային հատվածի պայթեցումը զայրույթի խորհրդանշական դրսևորում է։
«Ճանապարհների այդ հատվածը նախկինում կապում էր հարավի հետ։ Հակառակորդներն օրեր անց սկսեցին սպառնալիքներ փոխանակել այն բանից հետո, երբ Հյուսիսային Կորեան հայտարարեց, որ Հարավային Կորեայի անօդաչու թռչող սարքերը թռել են մայրաքաղաք Փհենյանի վրայով»,-գրում է լրատվամիջոցը։
Լրատվամիջոցի փոխանցմամբ՝ Հյուսիսային Կորեայի առաջնորդ Կիմ Չեն Ընը խոստացել է խզել հարաբերությունները Հարավային Կորեայի հետ և հրաժարվել Կորեայի խաղաղ միավորմանը հասնելու նպատակից։
