Վրաստանում ընտրություններն անցել են ահաբեկումներով, համատարած ճնշումներով․միջազգային դիտորդներ
Միջազգային դիտորդական առաքելությունը Վրաստանի խորհրդարանական ընտրությունների մասին հայտարարել է՝ թեև Վրաստանում ընտրություններն ընդհանուր առմամբ լավ կազմակերպված էին, սակայն միջավայրը «լարված» էր․․․․Հաշվի առնելով կաշառքով քվե ստանալու դեպքերը, համատարած ճնշումներն ու կուսակցական ահաբեկումները ընտրություններից առաջ և ընթացքում, հատկապես գյուղական վայրերում, պետական կառույցների անաչառությունը, մենք մեր մտահոգությունն ենք հայտնում ընտրությունների պայմանների, մասնավորապես անհավասար պայմանների վերաբերյալ, ինչը խաթարում է արդյունքների նկատմամբ վստահությունը և բացատրում է ընտրությունների արդյունքների վերաբերյալ արձագանքները: Այս հարցերը պետք է լուծեն իշխանությունները»։Գործընթացն անբավարար էր ընտրությունները միջազգային ժողովրդավարական սկզբունքներին համապատասխանեցնելու համար»։
ԱՄՆ պետքարտուղար Էնթոնի Բլինքենը, վկայակոչելով միջազգային դիտորդների հաղորդումները, մասնավորապես, շեշտել է՝ ընտրություններն անցել են անհավասար մրցակցային պայմաններում, ընտրողների ահաբեկմամբ, իշխող կուսակցության կողմից եղել է հանրային ռեսուրսի չարաշահում։
Շեշտելով, որ միջազգային դիտորդները ընտրություններն ազատ ու արդար չեն համարել՝ Բլինքենը կոչ է արել Վրաստանի իշխանություններին հարգել օրենքի գերակայությունը։
«Մենք դատապարտում ենք միջազգային նորմերի բոլոր խախտումները և միանում ենք արձանագրված խախտումների լիարժեք հետաքննության վերաբերյալ միջազգային և տեղական դիտորդների կոչերին», – ասված է ԱՄՆ պետքարտուղարի հայտարարությունում։
Մի շարք երկրներ նույնպես արձագանքել են Վրաստանի խորհրդարանական ընտրությունների վերաբերյալ և անհանգստություն արտահայտել։
Վրաստանում հոկտեմբերի 26-ին տեղի ունեցած ընտրությունների արդյունքներով, իշխող «Վրացական երազանք» կուսակցությունը ստացել է ձայների 54,27 %-ը, 89 մանդատ, «Միասնություն–Ազգային շարժում» կոալիցիան, 10,094%, 17 մանդատ, «Փոփոխությունների կոալիցիա»-ն՝ 10,806%, 18 մանդատ, «Ուժեղ Վրաստան»-ը՝ 8,752%, 14 մանդատ, «Գախարիան Հանուն Վրաստանի»՝ 7,75%, 12 մանդատ։
Վրաստանի ընդդիմությունը չի ճանաչում ընտրությունների արդյունքներն ու հայտարարում է զանգվածային բողոքի ցույցերի մասին։
