ԱՄՆ նախագահի ընտրություններում այս պահին առաջատարը Թրամփն է
Թրամփը ստացել է 247 ընտրիչների ձայներ, Հարիսը՝ 214, Հանրապետականները հաղթում են նաև Սենատում և Ներկայացուցիչների պալատում
Երեկ ԱՄՆ-ում տեղի են ունեցել նախագահական ընտրությունները: Նախագահի թեկնածուներն են հանրապետական, ԱՄՆ նախկին նախագահ Դոնալդ Թրամփը և ԱՄՆ ներկայիս փոխնախագահ, դեմոկրատ Քամալա Հարիսը։
Այս պահին առաջատարը Թրամփն է։
AP-ի հաղորդմամբ՝ Թրամփը ստացել է 247 ընտրիչների ձայներ, Հարիսը՝ 214:
ԱՄՆ նախագահն ընտրվում է ընտրական կոլեգիայի միջոցով, որտեղ յուրաքանչյուր նահանգ ներկայացված է բնակչության թվին համապատասխան քանակի ընտրիչներով: Հաղթելու համար թեկնածուին անհրաժեշտ է ստանալ 538 ընտրիչներից առնվազն 270-ի քվեն: Ընտրական կոլեգիայի 270 ձայն ստացած թեկնածուն կդառնա ԱՄՆ 47-րդ նախագահը։
Հանրապետականները հաղթում են նաև Սենատում և Ներկայացուցիչների պալատում։
Քամալա Հարիսը հաղթել է Նյու Ջերսիում, Քալիֆորնիայում, Վիրջինիայում,Վաշինգտոնում, Նյու Մեքսիկոյում, Մասաչուսեթսում, Նյու Յորքում, Դոնալդ Թրամփը հաղթել է Տեխասում, Ֆլորիդայում, Կանզասում, Ջորջիայում, Հյուսիսային Կարոլինայում, Հարավային Կարոլինայում, Օհայոյում։
