Ստեփանյանների ընտանիքի անորոշ սպասումները․ ինչո՞ւ է ձգձգվում արցախցիների քաղաքացիություն ստանալու գործընթացը
Արարատի մարզի Ռանչպար գյուղում բնակվող Գուրեն Ստեփանյանը Regions TV-ի հետ զրույցում դժգոհություն է հայտնել, որ իր, կնոջ և դստեր քաղաքացիություն ստանալու գործընթացն անհարկի ձգձգվում է, արդեն 4 ամիս ինքը զբաղված է միայն թղթատարությամբ։
Այդ պատճառով Գուրեն Ստեփանյանը և այդ խնդրին բախված մյուս տեղահանվածները չեն կարողանում դիմել բնակապահովման ծրագրին։
Գուրենը 4 երեխա ունի։ Ասում է՝ նրանց ապագան ապահովելու համար օրնիբուն աշխատում է, սակայն քաղաքացիության հարցը չի լուծվում, որպեսզի կարողանա սեփական կացարան ձեռք բերել։ Ռանչպարի վարձակալած տներից մեկում ապրում են 7 անձով։
Որո՞նք են քաղաքացիություն շնորհելու գործընթացի ձգձգման պատճառները, ի՞նչ քայլեր են ձեռնարկվում ընթացակարգն ավելի դյուրին դարձնելու ուղղությամբ։
ՆԳՆ միգրացիայի և քաղաքացիության ծառայությունն արձագանքել է Regions TV-ի հարցադրումներին։
Ըստ Արցախի մարդու իրավունքների պաշտպան Գեղամ Ստեփանյանի՝ 2020 և 2023 թվականներին տեղահանված շուրջ 20 հզր. արցախցիներ լքել են Հայաստանը, որոնց մի մասը հենց նման տևական թղթատարության և բնակարանային խնդրի պատճառով։
Մանրամասները՝ տեսանյութում։
