«Հեզբոլա»-ի նոր ղեկավարի հետ կապ հաստատել չի հաջողվում, ենթադրվում է, որ նա մահացել է․ Reuters
Լուսանկարը՝ AFP-ի
Անցած շաբաթ սպանված «Հեզբոլա»-ի առաջնորդ Հասան Նասրալլայի ամենահավանական փոխարինող Հաշեմ Սաֆիադիի հետ, ինչպես հայտնում է Reuters գործակալությունը, երեկվանից չի հաջողվում կապ հաստատել։ Լրատվամիջոցը հղում անելով Լիբանանի ուժային կառույցներին մոտ կանգնած միանգամից երեք աղբյուրներին, գրել է՝ Սաֆիադինի հետ կապը խզվել է Բեյրութի հարավային արվարձաններին երեկ լուսադեմին հասցված հարվածներից հետո։
Իսրայելական հարվածների պատճառով փրկրարարներն առայժմ չեն կարողանում այդ շրջանում աշխատանքներ իրականացնել․ասում են Reuters-ի աղբյուրները։
«Ալ-Արաբիա» հեռուստաընկերության տվյալներով՝«Սաֆիադինը զոհվել է։ Նրա հետ միասին զոհվել են նաև այդ պահին «Հեզբոլա»-ի բունկերներից մեկում գտնվող Իրանի Հեղափոխության պահապանների կորպուսի մի շարք սպաներ»,-հայտնում է «Ալ-Արաբիա» հեռուստաընկերությունը։
