Վրաստանի ընդդիմությունը չի ընդունում ընտրությունների արդյունքները, դիտորդները հայտարարում են բարդ ընտրակեղծիքների մասին
Վրաստանի Կենտրոնական ընտրական հանձնաժողովը հրապարակել է երեկ կայացած խորհրդարանական ընտրությունների նախնական արդյունքների թարմացված տվյալները։
Ըստ այդմ ՝ առաջատար է իշխող «Վրացական երազանք» կուսակցությունը՝ հավաքելով ձայների 54,234 %-ը։
Վերջին տվյալներով՝ հաշվարկվել է ընդհանուր քվեաթերթիկների 99,261%-ը։
«Միասնություն – փրկել Վրաստանը» կոալիցիան, որը գլխավորում է «Միասնություն- ազգային շարժումը» ստացել է ձայների 10,105%-ը, «Գախարիան Հանուն Վրաստանի»՝ 7,753%, «Փոփոխությունների կոալիցիա»-ն՝ 10,822%, «Ուժեղ Վրաստան»-ը՝ 8,758%։
Վրացական լրատվամիջոցների փոխանցմամբ՝ ընդդիմությունը չի ընդունում ընտրությունների արդյունքները։
Դիտորդները հայտարարում են ընտրակեղծիքների մասին և պահանջում չեղարկել ընտրությունների պաշտոնական արդյունքները։
«Իմ ձայն»-ը տեղական դիտորդական առաքելությունը հայտարարել է՝ կիրառվել է ընտրակեղծարարության բարդ մեխանիզ, օրինակ՝ ստուգման համակարգի խաթարումը, ընտրողների նույնականացման գործընթացին հետևող դիտորդների աշխատանքի խոչընդոտում, մակնշման ընթացակարգի խախտումներ։ Դիտորդները նաև արձանագրել են, որ մեկ ընտրողին տրվել է երկու և ավելի քվեաթերթիկ, ինչպես նաև եղել են դեպքեր, երբ իշխող «Վրացական երազանք» կուսակցությունը քվեաթերթիկի վրա նշված է եղել։
Երեկ վրացական մամուլը գրել է նաեւ իշխող ուժի կողմից լցոնումների մասին։
